Nova temporada

O venres 4 de novembro inauguramos a temporada 2016-2017 con nova programación e novxs compañeirxs

animádevos!! quedan poucas prazas!!

Volvemosssssss

TRASNADAS LECTORAS 2106-2017

De estrelas e ilustracións

Danko, o poldro de Grígor, é capaz de guiarse polas estrelas e ten máis forza que catro cabalos xuntos. Ademais, entende a linguaxe dos humanos, aínda que só obedece a Grígor. Pero tantas virtudes traerán a desgraza do poldro e o raparigo, porque a fama de Danko chega a oídos do ambicioso Pávirich. Unha estupenda novela con tinguiduras fantásticas que reflicte o valor do agarimo e a solidariedade.

Para aprender a recoñecer as estrelas  igual que Danko, construímos o noso telescopio. Así nas noites de verán, mirando ao ceo, poderemos sentir o que Grígor vía na compaña do seu cabalo. 



E para rematar ilustramos en grupo o texto de José Antonio Panero. 
Velaí a versión dixital ilustrada nas trasnadas lectoras. 
Pincha na imaxe, pon audio e verás...

Os 7 paxaros da profecía

As mellores veladas para o rei Gracián transcorren escoitando o canto dos paxaros. Pero o bosque queda lonxe e o rei é xa moi ancián. Por iso alégrase tanto a mañá en que o buhonero de Anatolia entra no seu palacio. No seu carromato, o mercador trae unha rede de finísimos fíos de prata que serven para cazar as devanditas aves. Pero, todos os paxaros que apresa o rei con estes fíos son capaces de falar e pídenlle que os deixe en liberdade. O rei así o fai, marabillado de semellante prodixio. 

Tras moitas aventuras, acompañado polo mozo Magrís,"o fillo dos bosques", o rei descobre que estes paxaros son aves especiais que transmiten a mensaxe milenaria do segredo da vida: os seres humanos son capaces de realizar os actos máis fermosos, tanto intelectual como fisicamente.  A partir dese momento, o rei Gracián é o encargado de transmitir a mensaxe a través do seu exemplo.

Despois dunha refexión colectiva sobre "El mensaje de los pájaros", os 7 paxaros da profecía servíronnos para realizar a nosa particular pesquisa sobre o canto de cada un deles e xogar a recoñecelos. Ah, e tamén fixemos comedeiros para invitalos a comer con nós na casa!

   

Árbores xenealóxicas

Lola ten nove anos e vive coa súa nai. Un día, de súpeto, aparece un ancián que di ser o seu avó. O home fala raro, gruñe bastante e, encima, rouca. Garda un maletín pechado con chave e ponse feito unha furia cando Lola o descobre.

Parece que "Mi abuelo el presunto" caeulles ben aos tranolector@s porque o libro recibiu unha puntuación de 5 estrelas no noso trasnómetro.

Ademáis serviunos de excusa para lembrar ás nosas familias... avós, avoas, nais, pais, irmáns, irmás quedaron retratad@s nas nosas árbores xenealóxicas.

Ketumbeiros Taram-Bainas

Ke-Tumba Ke-Tamba pertence á tribo dos indios Taram-Bainas, que como é ben sabido, son un pobo de feroces guerreiros salvaxemente salvaxes. O problema é que o noso amigo Ke-Tumba Ke-Tamba nin é feroz, nin é salvaxe nin lle presta ser guerreiro.

Aproveitando a coincidencia do entroido, inspirámonos no indio ketumbeiro do libro "Ke-Tumba Ke-Tamba" para elaborar a nosa careta e tocado de plumas de cores.

         

 

Velaí a nosa tribo de Taram-Bainas favorita...

Reporteirxs dicharacheirxs

Co libro deste mes, "Siete reporteros y un periódico", de Pilar Lizano, convertímonos en buscadorxs de noticias e, rastrexando a prensa local, seleccionamos as mellores noticias para o noso trasno xornal. Ao mellor espertouse algunha vocación oculta...

Con vostedes...  o Trasno xornal "As boas noticias", cos reporteiros/as máis dicharacheiros/as:

Preme na imaxe para ver vídeo

Party vampírico

Despois de comentar o libro deste mes, poidemos repasar a historia de "El pequeño vampiro" xogando a unha versión adaptada ad hoc do party junior...

As probas do "party vampírico" foron superadas con éxito polos equipos, e as risas demostraron que as lecturas tamén sirven para pasar un super-rato-divertido en boa compañía.

Inauguramos curso

Inauguramos o novo curso das Trasnadas lectoras creando os nosos propios textos...Cun pouco de esforzo e imaxinación  tal vez teñamos futurxs escritorxs ademáis de fantásticxs lectorxs.

Aqui vai a mostra dos textos elaborados a partir da proposta realizada pola páxina cuentos interativos. Preme nas imaxes para ampliar

Diego

María y Gabriel

Paloma y Cristina

Valentina y Dan

Yolanda y Helena

                             

Volven as Trasnadas lectoras!!

O Club de lectura infantil da Biblioteca Pública de Vigo "Juan Compañel" 

comeza o 6 de novembro

Se tes entre 8 e 11 anos... a que esperas para apuntarte?

Preme na imaxe para ampliar