Concurso "Nós lemos, e ti?

"Con ocasión do DÍA INTERNACIONAL DO LIBRO INFANTIL, a Organización Española para o Libro Infantil e Xuvenil, xunto coas súas catro seccións: Asociación Galega do Libro Infantil e Xuvenil (GÁLIX), Consejo General del Libro Infantil y Juvenil, Consell Català del Llibre Infantil i Juvenil (ClijCAT) e Galtzagorri Elkartea, co patrocinio do Ministerio de Educación, Cultura e Deporte, convoca o concurso “Nós lemos, e ti?”.

• Establécese un premio para cada unha das seguintes categorías: Primeiros lectores: 1º, 2º e 3º de Primaria / Lectores avanzado: 4º, 5º e 6º de Primaria / Superlectores: 1º e 2º de Secundaria e ámbito lingüístico.
• Cada un dos premios estará dotado cun diploma e lote de libros para os premiados e a entidade (biblioteca ou centro docente) que presente os traballos. 

Nas Trasnadas lectoras tamén quixemos participar
estas son as fotos que nos fixemos co libro "Palabras de Caramelo"...

2º e 3ºde Primaria

4º de Primaria

5º e 6º de Primaria

Grupo completo

Collage

A vida nos campamentos de refuxiados saharauis

Ás veces os libros cóntanos historias fantásticas e outras móstrannos vidas e culturas diferentes, baseándose en historias reais. Este é o caso de Palabras de Caramelo que comentamos o venres 6 de marzo

A historia dos nosos protagonistas, Kori e Caramelo serviunos para coñecer a vida nos campamentos de refuxiados saharauis. Asi, analizando a realidade, poidemos comprender o final do libro, que á maioría dos/as trasnolectores/as pareceulles "moi triste" pero necesario.

Este foi un pequeno documento que nos axudou a aproximarnos á vida de Kori:

Así vivo en mi campamento de El Aaiún

E para rematar,  ilustramos a historia de Palabras de Caramelo...

Aprendendo linguaxe de signos

Venres 20 de febreiro... Palabras de Caramelo...
Que ben o pasamos e canto aprendimos este día!!

Tentamos acercarnos ao mundo do protagonista da nosa lectura deste mes, Kori, o neno xordo que fala co seu camelo e, gracias a Alberto, que nos visitou e nos ensinou a linguaxe de signos, poidemos aprender a comunicarnos dun xeito diferente, sustituíndo a voz polas mans. Grazas Alberto!!

Abecedario en linguaxe de signos español

Un pouco de entrenamento e xa casi estivemos preparad@s para cantar en signos esta canción de Macaco que tan ben reflexa o espiritu do noso libro:

Di si (oh oh) seguiremos (oh oh)

Si dicen perdido yo digo buscando,
Si dicen no llegas de puntillas alcanzamos,
Y sí (oh oh) seguiremoos (oh oh).

"Seguiremos", de Macaco

Preme para abrir youtube

Creando contos

Igual que a nai de Malva, a protagonista de "Cama y cuento", o venres 23 de xaneiro inventamos historias. O xogo do "conto encadeado" deu como resultado esta historia...

"El hijo del leñador" 

CONTO ESCRITO:

Preme para ampliar

CONTO CONTADO (Toma 1):

Preme para ver e escoitar

O Señor Silvestre e o noso catalexo

Este venres 9 de xaneiro inauguramos 2015 comentando o libro "El Señor Silvestre"
Falamos dos personaxes, dos temas que se tratan  e de como se misturan situacións da vida real con historias fantásticas e máxicas.

Casi por unanimidade valoramos esta lectura con cinco estrelas, asi que a maioría animarémonos a ler as outras dúas entregas deste personaxe: "El regreso del Señor Silvestre", "¿Dónde está el Señor Silvestre?"

Por último construímos o noso persoal "catalexo de caza menor" o regalo que Mauricio recibe do Señor Silvestre antes de que este marche... 

Deixamos un enlace para quen desexe facer un seu propio catalexo... 

este é un dos que fixemos no club

Preme na imaxe para facer o teu propio catalexo

Vémonos o venres 23 co próximo libro "Cama y cuento" de Gonzalo Moure 

Trasnomaxia

Como o protagonista da nosa historia deste mes, o venres 19 de decembro nas trasnadas lectoras quixemos facer maxia. 

Pero non é doado igualar ao Señor Silvestre...  



Nós conformámonos con realizar pequenos trucos de cartas que servirán para sorprender á familia nestas navidades...

Podedes ver algúns nestes enlaces:


Truco 1
Truco 2 
Truco 3
Truco 4



E para quen lle gustara "El Señor Silvestre", recomendamos a segunda e terceira entrega deste simpático e  máxico veciño:

El regreso del señor Silvestre
¿Dónde está el señor Silvestre?


Vémonos o 9 de xaneiro na próxima sesión do Club de lectura
Felices Festas!!

De gaivotas e chapapote

O pasado venres 5 de decembro as Trasnadas lectoras deron moito que falar...

Comentamos o libro de Luis Sepúlveda, Historia de una gaviota y del gato que le enseñó a volar, e pensamos que como a protagonista da nosa novela, "Só pode voar quen se atreve a facelo". Aprendimos que hai humanos que desprezan e emporcan o mar pero tamén os hai que traballan polo seu coidado e a conservación do medio ambiente (como aqueles que no libro "levan as súas naves adornadas coas cores do arco da vella").

Ilustramos a historia da nosa gaivota co vídeo musical  "Nunca máis" de La Fuga, tema que esta banda de rock creou sobre a catástrofe do Prestige.



Tamén recomendamos unha exposición que se pode ver na sede da Fundación Barrié en Vigo: Out to Sea? El proyecto de los residuos de plástico


E por útimo fixemos a nosa gaivota móbil para levar á casa... Podes abrir aqui para facer unha igual



Unha sesión completa...

Vémonos na próxima sesión... o venres 19 de decembro 

comentaremos o próximo libro "El señor Silvestre"

De cine...

O pasado venres 21 as Trasnadas lectoras foron... DE CINE

Aproveitando a lectura deste mes, "Historia de una gaviota y del pájaro que le enseñó a volar" visionamos a adaptación para o cine do libro de Luis Sepúlveda. 

Película dirixida por Enzo D'Alò. Italia, 1999, 78'

Zorbas é un gato enorme, negro e gordo que vive cerca do porto de Hamburgo e un día acaba asumindo a delicada tarea de criar o poliño dunha gaivota. A nai quedou atrapada nunha marea negra de petróleo procedente dun buque varado e, xusto antes de morrer, deixou a Zorbas ao coidado do ovo que acababa de poñer. O gato porá todo o seu empeño en coidar á pequena gaivota recén nacida e, xunto aos seus amigos felinos Secretario, Sabelotodo, Barlovento e Colonello logrará tanto coidala e darlle cariño como ensinarlle a voar para que poda reunirse con outros membros da súa especie.

Se vos interesa, podedes ver a película desde youtube ou pedila en préstamo na Biblioteca para ver na casa

preme na imaxe para ver película

Venres 7 de novembro. Comezamos as trasnadas lectoras!!

Trasnolector@s escritor@s

A primeira reunión do Club de lectura foi un día de presentacións... Coñecemos os nomes, as idades, os gustos lectores e os coles de cada trasnolector e trasnolectora.

Coñecimos e exploramos o noso blog porque vai a ser o medio de comunicación que nos permitirá expresar as nosas trasnadas e, coa axuda dos "contos interactivos", convertímonos en trasnoescritor@s  creando estos contos un pouco tolos que non nos deu tempo de correxir pero que se irán mellorando...

Vémonos o próximo venres 21 de novembro para comentar a primeira lectura do mes: Historia de una gaviota y del pájaro que le enseñó a volar, de Luís Sepúlveda, unha historia maravillosa que nos fala da solidariedade e da superación.

Shalma e Sara

Uxía e Estela

Diego e Luna

Samuel e Carmen

Nicolao 

Xian e Carmela

Trasnadas lectoras. Empezamos!!

Este venres 7 de novembro comezamos a andadura das Trasnadas lectoras, o Club de lectura infantil da Biblioteca Pública "Juan Compañel" de Vigo.





Se tes entre 8 e 12 anos ou coñeces a alguén interesad@ en participar, continúa aberto o prazo de inscrición. Temos un grupo creado pero podemos ser máis... 

@s trasnolector@s estamos preparad@s para gozar das trasnadas máis divertidas...
lecturas, xogos... e escribir as nosas impresións colaborando no blog do club.

Infórmate e participa na trasnodiversión!!